Казан шәһәре Идел буе районының 23 нче номерлы балалар бакчасы

Зурлар төркемендә

интегральләштерелгән эшчәнлекнең

(сурәтләү һәм фэмп)

конспекты.

Тәрбияче :

Сагутдинова Г.К.

Казан 2017 ел

Максат: Кәгазь битендә ориентлаша белүне өйрәтү. Өч предметны аларның

биеклегенә карап чагыштырырга өйрәтү. Геометрик фигуралар турындагы

белемнәрне ныгыту. Пумала, карандаштан файдалану күнекмәләрен ныгыту.

Балаларның иҗади сәләтләрен үстерү.

Әсбаплар: саннар, һәр балага кар бабай сурәте, ак кәгазьләр, пумала, краска,

төсле карандашлар.

-Балалар, карагыз әле көн нинди матур бүген. Кояш елмая.

-Балалар,табигатьтә елның кайсы фасылы?( кыш )

-Балалар, ә кем белә нинди айлар кыш айлары?(декабрь,январь,февраль )

-Балалар, табигатьтә кыш икәнен без каян беләбез?(балалар җавабы)

- Дөрес. Балалар , ә кардан нәрсәләр ясап була?(кар йомарламнары,кар бабай)

-Әйдәгез без дә кар йомарламнары ясыйбыз. Бу кар йомарламнары белән

нәрсә эшләргә була? ( атышып уйнарга,кар бабай ясарга)Ә сез ничек кар

бабай ясар идегез сезнең кулыгызда бер генә кар йомарламы?(төркемләп 3

кеше кәгазьдән кар бабай ясау).Булдырдыгыз балалар.

-Балалар өстәлдә нәрсәләр бар икән, әйдәгез якынрак барып карыйк. Карагыз

әле безнең кәгазь астында нәрсәдер бар. Балалар бу бит безнең Кар бабай

килеп җиткән. Урамда нинди матур табигать. Ә кар бабайның кәгазь битендә

бернәрсә юк. Әйдәгез бүген шөгыльләнеп кар бабайга булышабыз. Ул безне

сәяхәткә чакыра. Барабызмы?(балалар җавабы)

Ә хәзер игътибар белән тыңлагыз. Мин сезгә табышмак әйтәм:

Почмакларым юк минем,

Тәлинкәгә охшаган,

Кояшка да охшаталар,

Йөзеккә,тәгәрмәчкә.

Нигә әле исемемне

Тизрәк әйтеп бирмәскә?(түгәрәк).

-Бик дөрес. Түгәрәкне өске сул почмакка ясыйбыз. Бу түгәрәктән нәрсәләр

ясарга була?(балалар җавабы,эше)

- Ә хәзер Кар бабабыз алга таба атлап китте. Балалар сез ничек уйлыйсыз кая

килеп җитте кар бабабыз ?(балалар җавабы: өске, уң почмакка)

-Ә бу почмакта нинди геометрик фигура яшеренгәнен табышмак тыңлагач

белерсез.

Дүрт почмагым, дүрт ягым бар,

Барысы да тип-тигез.

Беркайчан да тәгәрәмим,

Йә, исемне әйтегез.(квадрат)

-Әйе. Әйдәгез квадратны ясыйбыз. Балалар квадраттан нәрсәләр ясап була?

(балалар җавабы,эше)

-Булдырдыгыз. Кар бабай юлын дәвам итә. Балалар кая килеп җитте?(Аскы,

уң почмакка).

-Бу почмакта нинди геометрик фигура яшеренгәнен тыңлагыз әле?

-Минем почмакларым тигез,

Квадратныкы шикелле.

Ләкин каршы якларымның

Озынлыклары төрле.

Сезнең алда йөзем ак,

Исемем ...(турыпочмаклык)

-Балалар, турыпочмаклыктан нәрсәләр ясап була?(балалар җавабы, эше)

-Юлыбызны дәвам итәбез. Балалар кар бабабыз кая килеп җитте.(уртага)

-Әйе, бик дөрес. Монда нинди геометрик фигура яшеренде икән, тыңлагыз

әле.

Мин –түгәрәк затыннан,

Тик ...

Ике яктан кысылган(овал)

-Бик дөрес. Овалдан нәрсәдән ясап була?(балалар җавабы,эше)

-Юлыбызны дәвам итәбез. Кар бабабыз кая килеп җитте(аскы,сул почмакка)

-Әйе. Табышмакны тыңлагач, монда нинди геометрик геометрик фигура

яшеренгәнен белербез.

Өч почмагым, өч ягым бар.

Төрле озынлыкларда

Була алалар алар

Минем матур исемемне

Игътибарлы булганнар

Тиз арада табарлар!(өчпочмак)(балалар җавабы)

-Әйе. Өчпочмактан нәрсәләр ясап була?(балалар җавабы,эше)

-Балалар , ә нинди чыршылар була?(биек, тәбәнәк)

-Балалар,кар бабай чыршы агачын ярата. Әйдәгез өчпочмак өстенә тагын ике

өчпочмак куеп, биек чыршы ясыйк. Бу чыршы янына тәбәнәгрәк чыршы һәм

иң тәбәнәк чыршыны ясыйк.

-Балалар чыршыбыз матуррак булсын өчен нәрсә эшләргәт була?(балалар

җавабы: бизәргә, уенчыклар эләргә)

-Әйдәгез иң биек чыршыга мин күрсәткәнчә уенчык элик(бер сан күрсәтәм).

Тәбәнәгрәк чыршыга шуның кадәр уенчык (бер сан күрсәтәм)элик. Ә иң

тәбәнәк чыршыга шуның кадәр уенчык (бер сан күрсәтәм)элик.

-Чыршыларыбыз матурланды әйдәгез ял итеп алыйк. Физкультминутка.

-Балалар кыш артыннан нинди ел фасылы килә?(яз)

-Ә яз җиткәч түбәләрдән нәрсә тама башлый?(тамчылар)

-Балалар әйдәгез тамчылар белән уйныйбыз. Кәгазьнең өске өлешенә биш боз

сөңгесе ясыйбыз.(ясыйлар.бер бала саный)

-Беренче боз сөңгесен буяп куйыйк. Беренче боз сөңгесеннән 3тамчы тама.

-Икенчесеннән бергә күбрәк тамчы тама?(бер-ике баладан ничә тамчы

ясаганын сорыйм)

Өченчесеннән 6 тамчы тама.

Дүртенчесеннән бергә күбрәк тамчы тама(бер-ике баладан ничә тамчы

ясаганын сорыйм)

Бишенче сөңгедән 8 тамчы тама.( бер-ике баладан ничә тамчы ясаганын

сорыйм)

-Тамчы тама башлагач,кар бабабыз эри күрмәсен әйдәгез аңа өреп суытыйк:

өф, өф, өф.

-Булдырдыгыз балалар. Рәсемебез матуррак булсын өчен әйдәгез фон

ясыйбыз. Пумала белән кәгазь битенә су тамызабыз. Аны кәгазь буенча

таратабыз. Пумала очын буяуга манып, очы белән кәгазь битенә таратабыз

-Балалар карагыз әле нинди матур рәсем килеп чыкты. Кыш бабабызны да

шушы рәсемдә калдырыйкмы?(балалар җавабы)